പാലക്കാട് നിയമസഭാ മണ്ഡലത്തിലെ യുഡിഎഫ് സ്ഥാനാർത്ഥി ഷാഫി പറമ്പിലിനെതിരെ രൂക്ഷമായ ആരോപണങ്ങളുമായി സിപിഐഎം ജില്ലാ സെക്രട്ടറി ഇ.എൻ സുരേഷ് ബാബു രംഗത്ത്. എൽഡിഎഫ് സ്ഥാനാർത്ഥി എൻ.എം.ആർ റസാഖിന് ലഭിക്കുന്ന വൻ ജനപിന്തുണയിൽ യുഡിഎഫ് ഭയപ്പെട്ടിരിക്കുകയാണെന്ന് അദ്ദേഹം പറഞ്ഞു.
റസാഖ് പിടിക്കുന്ന വോട്ടുകൾ ബിജെപിയെ ജയിപ്പിക്കുമെന്ന് ഷാഫി പറമ്പിൽ വ്യാജപ്രചരണം നടത്തുകയാണെന്ന് സുരേഷ് ബാബു ആരോപിച്ചു. ബിജെപി ജയിച്ചാലും റസാഖ് ജയിക്കരുതെന്നാണ് യുഡിഎഫ് ലക്ഷ്യം. പാലക്കാട്, കോങ്ങാട്, മലമ്പുഴ, ഒറ്റപ്പാലം എന്നിവിടങ്ങളിൽ യുഡിഎഫും ബിജെപിയും തമ്മിൽ രഹസ്യ ധാരണയുണ്ടെന്ന് സിപിഐഎം ആരോപിക്കുന്നു. “ഷാഫി പറമ്പിലിന്റെ കുതന്ത്രങ്ങളാണ് പാലക്കാട്ട് നടക്കുന്നത്. രമേഷ് പിഷാരടി തോൽക്കണമെന്നും റസാഖ് ജയിക്കരുതെന്നുമാണ് ഷാഫിയുടെ ആഗ്രഹം” സുരേഷ് ബാബു പറഞ്ഞു.
Also Read: പത്രികയിലെ ക്രമക്കേട് ആരോപണം; കോടതിയിൽ നേരിടാൻ തയ്യാറെന്ന് പി.കെ. ശശി
ഒറ്റപ്പാലത്ത് മുൻ ബിജെപി സ്ഥാനാർത്ഥിക്ക് പി.കെ. ശശി 50 ലക്ഷം രൂപ നൽകിയെന്നും എറണാകുളത്തെ ഒരു ഏജൻസി വഴിയാണ് ഈ ഡീൽ നടന്നതെന്നും സുരേഷ് ബാബു വെളിപ്പെടുത്തി. പി.കെ. ശശി നാമനിർദ്ദേശ പത്രികയിൽ കൃത്രിമം കാണിച്ചെന്നും, ധൈര്യമുണ്ടെങ്കിൽ മാനനഷ്ടക്കേസ് നൽകണമെന്നും സുരേഷ് ബാബു വെല്ലുവിളിച്ചു.
The post ബിജെപി ജയിച്ചാലും റസാഖ് തോൽക്കണം; ഷാഫി പറമ്പിലിനെതിരെ ഇ.എൻ സുരേഷ് ബാബു appeared first on Express Kerala.
