വാഷിങ്ടൺ: ഇറാൻ യുദ്ധത്തിന്റെ വരുംദിവസങ്ങൾ നിർണായകമാണെന്ന് യുഎസ് പ്രതിരോധ സെക്രട്ടറി പീറ്റ് ഹെഗ്സെത്ത്. ‘വരാനിരിക്കുന്ന ദിവസങ്ങൾ നിർണായകമാകും. ഇറാന് അക്കാര്യം അറിയാം. സൈനികപരമായി അതിലൊന്നും ചെയ്യാൻ അവർക്ക് കഴിയില്ല-രണ്ടാഴ്ചത്തെ ഇടവേളയ്ക്കു ശേഷം നടത്തിയ വാർത്താസമ്മേളനത്തിലാണ് അദ്ദേഹത്തിന്റെ ഈ പരാമർശം. മിഡിൽ ഈസ്റ്റിലെ യുഎസ് സൈനികരെ കഴിഞ്ഞ വാരാന്ത്യത്തിൽ സന്ദർശിച്ചുവെന്നും ഹെഗ്സെത്ത് കൂട്ടിച്ചേർത്തു. അതേസമയം സംഘർഷത്തിൽ യുഎസ് കരസേന ഭാഗമാകുമോ എന്നതിന്റെ സാധ്യത തള്ളിക്കളയാൻ അദ്ദേഹം വിസമ്മതിക്കുകയും ചെയ്തു. ‘എന്ത് ചെയ്യും എന്ത് ചെയ്യില്ല എന്നെല്ലാം എതിരാളിയോട് പറയുന്നപക്ഷം […]
