യാത്രയ്ക്കിടെ മക്കളെ ട്രെയിനിലിരുത്തി അമ്മ വെള്ളം വാങ്ങാനിറങ്ങി; ട്രെയിൻ വിട്ടുപോയി; സമയോചിത ഇടപെടലുമായി ആർപിഎഫ് ഉദ്യോ​ഗസ്ഥൻ

കോഴിക്കോട്: തീവണ്ടിയാത്രയ്ക്കിടെ മാതാവിൽ നിന്ന് വേർപെട്ടുപോയ രണ്ടുകുട്ടികളെ റെയിൽവേ പ്രൊട്ടക്‌ഷൻ ഫോഴ്‌സിലെ ഉദ്യോഗസ്ഥന്റെ സമയോചിതമായ ഇടപെടലിലൂടെ കണ്ടെത്തി സുരക്ഷിതമായി മാതാവിന് കൈമാറി. ഇന്റലിജൻസ് വിഭാഗത്തിലെ ഹെഡ്‌കോൺസ്റ്റബിൾ വി.കെ. വിനേഷ് ആണ് തന്റെ ഡ്യൂട്ടിക്കിടയിൽ തീവണ്ടിയിൽ പരിശോധന നടത്തുന്നതിനിടെ പന്ത്രണ്ടും അഞ്ചും വയസ്സുള്ള ആൺകുട്ടികളെ കണ്ടെത്തിയത്. കുട്ടികളെ കാണാതായതായി ചൈൽഡ്‌ലൈൻ അധികൃതർ നൽകിയ വിവരത്തിന്റെ അടിസ്ഥാനത്തിലായിരുന്നു പരിശോധന. തൃശ്ശൂർ–കണ്ണൂർ പാസഞ്ചർ തീവണ്ടിയിൽ വെള്ളിയാഴ്ച രാവിലെ 10.35ഓടെ കോഴിക്കോട് റെയിൽവേ സ്റ്റേഷനിലാണ് സംഭവം നടന്നത്. കണ്ണൂർ ജില്ലയിലെ കതിരൂർ സ്വദേശിനിയായ […]