തണലാണ്​ കുടുംബം; ഫ്രണ്ട്‌സ് മുഹറഖ്​ ഏരിയ വിന്റർ ക്യാമ്പ് സംഘടിപ്പിച്ചു.

മനാമ: ഫ്രൻഡ്​സ്​ സോഷ്യൽഅസോസിയേഷൻ നടത്തുന്ന തണലാണ് കുടുംബം ക്യാംപയിനിന്റെ ഭാഗമായി മുഹറഖ്​ ഏരിയയുടെ നേതൃത്വത്തിൽ സാഖിറിൽ സംഘടിപ്പിച്ച വിന്റർ കേമ്പിൽ നിരവധി പേർ പങ്കെടുത്തു. കലാ-കായിക പരിപാടികൾ, കുടുംബ ഭദ്രതയെ കുറിച്ചുള്ളചർച്ചകൾ എന്നിവ കൊണ്ട് പരിപാടി ഏറെ ശ്രദ്ധേയമായി. ക്യാംപയിനിന്റെ ഭാഗമായി പുറത്തിറക്കിയ ലഘുലേഖയുടെ പ്രകാശനം അബ്​ദുറഹ്​മാൻ അസീലിന്​ കോപ്പി നൽകി കുഞ്ഞഹമ്മദ്​ മറാസീൽ നിർവഹിച്ചു. യൂനുസ് സലിം ക്യാംപയിൻ സന്ദേശം നൽകി. ജലീൽ അബ്​ദുല്ല സ്വാഗതവും അബ്​ദുൽ റഊഫ്​ സമാപനവും നടത്തി.